2016年9月19日星期一

【雷動聲吶 ‧ 用戶意見收集】

選舉過後,雷動聲吶希望透過 @VotSonarbot (telegram) 用問卷收集用戶意見及實際投票意向。問卷會由 18/9 開始至下星期一(26/9)23:59。

您回饋的資料將會用作改善雷動計劃。問卷結果及改善建議將會一併研究,我們會把研究成果,整合到稍後發表的檢討報告。請密切留意。

非常感謝你的參與!

加入方法:
1. 請先下載 Telegram
http://bit.ly/dl-tgm
2. 啟動雷動聲吶
http://bit.ly/votsonar
3. 輸入 "/restart" 開始問卷調查

2016年9月7日星期三

【選後。檢討】

今次選舉塵埃落定,香港市民的積極參與、連夜堅持實在令人感動。雷動聲吶團隊正收集各方的意見,希望能在短時間內完成檢討報告,屆時一併回應所有質詢。

感謝大家耐心等候。

2016年9月5日星期一

【我們被攻擊了,令訊息延遲。對不起。】

雷動團隊非常感謝在這次選戰上同行的香港人,特別是雷動聲吶的 4 萬多名使用者!雷動團隊要為選舉當晚的信息延誤致歉。今晚六時左右,我們發現系統被大量不明「用戶」攻擊,系統負荷太大,訊息發放受阻。其實團隊事前已預計會有類似事件。雖然立時阻止攻擊,總算安全將「錦囊」送到救兵手中,但要各位久等,令投票時間變得如此緊迫,實在萬分抱歉!盼望各位體諒!

2016年9月3日星期六

策略投票 vs 配票

雷動經常比人話係民主派配票,雖然兩者在操作上相似,但本質和現念上有天壤之別。

民主社會的選民有自由意志,而雷動也堅持尊重每位選民的選擇,決不好似呀爺咁,比個數字你,而係由選民一齊決定棄邊個,保邊個。


因此有 #策略選民群組 討論,亦有 #策略選民 和 #雷霆救兵 之分,都係想平衡現實上、策略上需要的妥協 和 個人理念意向透過選票的彰顯。唔似阿爺由上而下落 order,要棄 Treegun,保工字頭。

每位選民的參與都重要,但我們明白,每人對政治光譜上的政治傾向,接受程度有異,因此有策略選民和救兵之分。有人有能力付出多一點,有人付出少一點,各按能力及心意為香港做點事。積少成多,雞蛋對高牆,每個人擔起的擔子都不同。這就是民主、這就是團結,這亦是雷動的初衷。

至於棄選,在其他社會經常出現:美國桑德斯投降,支持希拉里。此舉亦是策略與個人意願的平衡,是社會制度限制下自由意志的體現。深願這次選舉,香港人看到的不只有票數、議席─ 這些當然重要,更能實踐民主社會的精神!

2016年9月2日星期五

號外!泛民主動棄選,選民應該何去何從?

【號外!號外!】
泛民主動棄選,選民應該何去何從? 
立即加入雷動聲吶,4/9 一齊策略投票!
加入方法:
1. 請先下載 Telegram
http://bit.ly/dl-tgm
2. 啟動雷動聲吶
http://bit.ly/votsonar
3. 完成問卷調查

【策略選民群組參考】

1/9 策略選民群組預演完滿結束,感謝大家的參與,令系統可以更加完善,流程更加暢順。由於不想令人誤以為雷動計劃已經有定論影響選舉,所以今次代號而非候選人名單進行模擬,結果造成內容過於抽象影響討論,實在情非得已,謹此致歉。但連這個我們都試過了,其他的情境分析,應該駕輕就熟了吧!!
其實策略選民群組預演最終目的,是希望大家透過討論,發揮選票既最大威力。唔似呀爺的配票操作,一早知道邊個夠票,又有人話比你知要投邊個、救邊個。雷動計劃需要集合群眾智慧,透過數據、協商、合作,爭取各區最多非建制議席。

策略投票時間表

選舉在即,點知自己係「策略選民」定「雷霆救兵」 ?
雷動聲吶將於 3/9 透過 telegram送出雷霆救兵邀請
策略選民:收唔到邀請,請 6pm 前,以勝算為其中一個考慮因素投票和匯報
雷霆救兵:收到邀請,請 8:30pm 後,以非建制最大利益為最主要的一個考慮因素投票

另外,不論閣下有冇受到雷霆救兵邀請,都可以參與策略投票甚至做救兵 !而救兵如有做朋友之間的lobbying,都可以在 6pm 前匯報。例如 A 係救兵,A 女友亦參與策略投票,女友可以先投其策略性一票,並由 A 在 6pm 前用 VotSonarBot 匯報女友嘅投票決定,而 A 自己就喺 830pm 後投票。
隨post附上小組討論參考圖,謹供參考。

示範1 - 心水清雞蛋:

示範2 - 貓大佬:



示範3 -記得6pm前匯報,8pm出救兵

2016年9月1日星期四

【雷動策略投票─ 理念、流程】 ** 附例子說明 **


1. #雷動 基本玩法
1.1. 雷動會按數據 (數據來源下面再講) 將候選人分開四類。根據圖中,贏硬線右邊既人 (即圖內的A) 屬「必勝類」;安全線和贏硬線中間屬「可勝但不穩類」(候選人B);入圍線和安全線中間屬 「邊沿類」(C和D),界乎贏輸之間;入圍線左邊 (E, F, G) 屬「沒希望類」。雷動要救的是「邊沿類」候選人。

1.2. 如果你係某人死硬 fans,咁唔駛講,食花生啦!如果你有心儀候選人,但不一定死忠,會考慮策略性投票。咁就睇下自己鐘意嗰個屬邊一類。如果係必勝類,咁就應該轉而投比邊沿類,而按上圖 C 比 D 民調略高,所以應該投 C。如果你鍾意那個屬可勝但不穩類,咁你最好繼續投比佢,以免條友陰溝翻船。如果你完全冇任何 preference,或決心做策略性投票,咁就疊埋心水,投比可勝不穩的 C 啦!

1.3. 如果你願意做策略選民又或者 #雷霆救兵,咁就乜都唔駛諗,直接投邊沿類的 C 啦!

1.4. 又如果有人死都唔肯裝 telegram,冇問題,佢仍然可以自己做兵的。因為雷動既選情分析相信會廣為流傳,任何人都可以參考,做策略投票。
2. 你可以做乜﹖

[ 已在 telegram加入雷動的人 ]
2.1.1 密切留意,加入 chat group,參加9月1日及9月3日晚的 #策略選民預演討論。

2.1.2 如果願意做兵,等到 9月4日晚 2000,睇埋最後選情分析先投票。

2.1.3 如果唔想,或者 9月4日夜晚唔得閒,唔做兵,咁就參考 9月4日早上 0730 的分析,做策略投票。

2.1.4 廣傳雷動的選情分析,鼓勵親友做策略投票,甚至做兵。

[ 未有 telegram 加入雷動的人 ]
2.2.1. 即刻裝 telegram,加入雷動。並且密切留意,加入 chat group,參加 9月1日及 9月3日晚的討論。

2.2.2. 如果死都唔裝 telegram,密切留意雷動聲吶網站的選情分析,視乎個人情況 (有冇心儀候選人,投票當日時間安排等),自行做策略選民或救兵。

2.2.3. 廣傳雷動的選情分析,鼓勵親友做策略投票,甚至做兵。

總結,裝唔裝 telegram,入唔入雷動聲吶都係次要。任何人,都有機會收到雷動既選情分析,自己做策略投票,做救兵!

*************************************************************************************

最後,因為不斷有好多人問,所以補充一下雷動既數據來源。

[ 雷動既數據來自三方面 ]
3.1. #HKUPOP,呢個民調會一直做到9月初,sample size 逾 5000個,好多人狂插現時 HKU 既 rolling poll,不過相信隨著距離投票日越近,再加上 sample size 加大,準確性會大幅改善。

3.2. 雷動聲吶,即 telegram 裡面既 #VotSonarBot 呢兩個月來的投票數據。由於sampling 有嚴重的 bias,所以只會「做完支持率分布調整和 Chauvenet’s criterion 清除 outliner 之後,再用 Minimum mean square estimator」結合 HKUPOP 既數據做處理。所以,成日有人睇住個 telegram 狂插雷動聲吶,又話 D 數據比本土派攪過,唔準確。呢 D 都係唔需要擔心。因為宜家在 telegram 睇到既只係即時既數字,未同 HKUPOP 合體 (六神合體前都唔夠打啦!),又未做數據處理,根本唔係最後分析時的主要依據。

3.3. 雷動自己做的 #街頭民調。兩星期前已經開始,會一直做到 9月2 日。到現時為止,已做了約一千份,最終目標係 1500 份。Sample size 雖然大,但街頭民調有 sampling bias,所以 D 數據同樣會和HKU POP 民調做數據合體。雷動最終的選情分析,會係以上三組數據的綜合結果。據聲吶的專家講,三者合體,可進一步降低 statistical error。如果熱普城拖行馬入 telegram, 唔會因此加大分析時用 sample size, 否則會令 vs 個 weight 不合理地大。分析時,個 sample size 會adjust 返去假如熱普城的 users 比例上同 POP 一樣的話會係乜。